III MDB Oyunlarına hazırlaşan qızlardan ibarət yığma komanda ilə görüş keçirilib

Qadınlardan ibarət milli komandamızın üzvləri III MDB Oyunlarına hazırlaşan 15 yaşadək qızlardan ibarət yığma komanda ilə görüş keçiriblər. Fortunamag.az Azərbaycan Voleybol Federasiyasına istinadən xəbər verir ki, AVF-nin idman zalında baş tutan görüşdə təcrübəli voleybolçular gənc idmançılarla səmimi söhbət edərək öz zəngin təcrübələrini bölüşüblər, onları motivasiya ediblər və qarşıdakı yarışlarda uğurlar arzulayıblar. Görüş zamanı həmçinin gənc idmançılara texniki məsləhətlər verilib, məşq strategiyaları və oyun taktikaları haqqında geniş müzakirələr aparılıb ki, bu da onların peşəkar səviyyədə inkişafına töhfə versin.