Yaponiyada “ağıllı taksilər” ictimaiyyətə təqdim olundu

Tokioda gələcəyin nəqliyyat vasitələri sayılan “ağıllı taksilər” istifadəyə verilib. Fortunamag.az  ” NikkeiAsia “a istinadən xəbər verir ki,bu avtomobillər süni intellektlə təchiz olunub və sərnişinin ehtiyaclarına uyğunlaşa bilir. Məsələn, sərnişinin üz ifadələrindən və səs tonundan onun əhvalını təhlil edərək musiqini dəyişir və ya işıqlandırmanı tənzimləyir. Taksilər həmçinin müasir naviqasiya sistemləri ilə təchiz olunub, bu da tıxaclarda ən sürətli marşrutu seçməyə imkan verir. Gələcəkdə bəzi modellərin sürücüsüz rejimdə işləməsi nəzərdə tutulur. Yapon mühəndisləri hesab edirlər ki, bu addım həm trafik yükünü azaldacaq, həm də havaya atılan zərərli qazların miqdarını minimuma endirəcək. Pilot layihə uğurlu olarsa, 2026-cı ildən bütün Tokio ərazisində tətbiq ediləcək. Yaponiyanın uzunmüddətli planı isə 2030-cu ilə qədər tam sürücüsüz ictimai nəqliyyat sisteminə keçməkdir. Bu təşəbbüs həm texnoloji yenilik, həm də ekoloji layihə kimi təqdim edilir. Sərnişinlər artıq yeni taksiləri sınaqdan keçirib və çox müsbət rəy bildiriblər.

Fortunamag.az