Vyanada fəaliyyət göstərən Azərbaycan Mədəniyyət Mərkəzi növbəti dəfə “Muzeylərin uzun gecəsi“ layihəsində

Vyanada fəaliyyət göstərən Azərbaycan Mədəniyyət Mərkəzi növbəti dəfə Avstriya Teleradiosunun (ORF) təşəbbüsü ilə keçirilən “Muzeylərin uzun gecəsi“ layihəsində iştirak edib.

Fortunamag.az “AZƏRTAC”a istinadən xəbər verir ki, Avstriya üzrə 700-dən artıq, paytaxt Vyanadan isə 200-dək muzey, qalareya və mədəniyyət müəssisəsinin iştirak etdiyi gecədə Azərbaycan Mədəniyyət Mərkəzində “Başlanğıcda kəlam var idi… və musiqi, rənglər və düşüncələr“ adlı sərgi təqdim olunub.

Sərgi Azərbaycanın ədəbiyyat, musiqi, teatr və təsviri sənətində milli kimliyin formalaşmasını əks etdirib və Mirzə Qədim İrəvani, Üzeyir Hacıbəyli, Həsən bəy Zərdabi və Mirzə Fətəli Axundzadənin yaradıcılığına həsr olunub.
Tədbirdə “Arşın mal alan” operettasından musiqi parçaları səsləndirilib, uşaqlar üçün isə “Cırtdan” nağılının motivləri əsasında kukla tamaşası təqdim olunub.

Fortunamag.az