Uşaq İncəsənət Festivalı 2025 üzrə qeydiyyat statistikası

Uşaq İncəsənət Festivalı 2025 respublikanın paytaxt və regionlarını əhatə edən genişmiqyaslı mədəni platformadır. Qeydiyyatdan keçən 86 rayonun 12-si Bakı şəhərini, 74-ü isə regionları təmsil edir.

Fortunamag.az Azərbaycan Respublikasının Mədəniyyət Nazirliyinə istinadən xəbər verir ki, festival çərçivəsində ümumilikdə 21 559 fərdi iştirakçı qeydiyyatdan keçib ki, onlardan 3 496 nəfəri Bakıdan, 18 063 nəfəri isə regionlardan olan uşaqlardır.
Eyni zamanda festivalda 294 kollektiv iştirak edir ki, onların 77-si Bakıdan, 217-si isə regionlarıdan olan ayrı-ayrı qruplardır.
Qeyd olunan göstəricilər Uşaq İncəsənət Festivalının paytaxtdan regionlara qədər geniş əhatə dairəsinə malik olduğunu və ölkə üzrə istedadlı uşaqların üzə çıxarılması istiqamətində mühüm rol oynadığını aydın şəkildə nümayiş etdirir.

Fortunamag.az