İdmançılarımız Türkdilli Dövlətlərin Universiadasında

Qırğızıstanın Çolpon-Ata şəhərində Türkdilli Dövlətlərin Universiadası çərçivəsində güləş yarışları start götürüb. Fortunamag.az Azərbaycan Güləş Federasiyasına istinadən xəbər verir ki, Türkdilli Dövlətlərin Universiadasının ilk günü “Ruh Ordo” mədəniyyət mərkəzinin idman zalında keçirilən yarışlarda 6 çəkidə mübarizə baş tutub. Dörd güləşçimiz fəxri kürsüyə qalxıb. Yunan-Roma güləşçilərimizdən Vədat Qasımlı (60 kq) qızıl, Əli Quliyev (97 kq) gümüş, Cavad Məmmədov (77 kq) isə bürünc medal qazanıb. Sərbəst güləşdə isə Ramik Heybətov (74 kq) üçüncü yeri tutub.

Fortunamag.az