Rəcəb Tayyib Ərdoğan: Türkiyə Azərbaycanın yanında olmağa davam edəcək

Türkiyə Prezidenti Rəcəb Tayyib Ərdoğan Azərbaycanı dəstəkləməyə kursunun dəyişməz olaraq qalacağını bildirib.

Fortunamag.az “AZƏRTAC”a istinadən xəbər verir ki, Nazirlər Kabinetinin Ankarada keçirilən iclasının yekunlarına dair keçirilən brifinqdə çıxış edərək o, Vətən Müharibəsində Zəfərin beşinci ildönümünə həsr olunmuş hərbi paradda iştirakının əhəmiyyətini vurğulayıb.

“Biz Bakıda Azadlıq meydanında Zəfər Gününü qeyd edərək, Azərbaycandan olan qardaşlarımızın yanında idik. Türkiyə həm kədərli, həm də sevincli anlarda, “Bir millət, iki dövlət” kəlamı kontekstində hər cür Azərbaycanın yanında olmağa davam edəcək”, – deyə Prezident əmin edib.

Dövlət başçısı, həmçinin Türkiyə Hərbi Hava Qüvvələrinə məxsus C-130 hərbi nəqliyyat təyyarəsinin Gürcüstan səmasında qəzaya uğraması mövzusuna da toxunub.

Türkiyə lideri dünyanın hər yerindən Ankaraya başsağlığı məktublarının gəldiyini qeyd edib. “Türkiyənin ağrısını bölüşən bütün dost və qardaş ölkələrə minnətdaram”, – deyə o, bildirib.

Onun sözlərinə görə, Gürcüstan və Azərbaycan hakimiyyəti faciənin ilk dəqiqələrindən etibarən axtarış-xilasetmə qruplarının daşınması, təyyarənin parçalarının yerinin müəyyən edilməsi və qəza bölgəsində təhlükəsizliyin təmin edilməsi də daxil olmaqla, Türkiyə ilə sıx əməkdaşlıq edərək bütün imkanlarını birləşdirib: “20 türk hərbçisinin həyatına son qoyan qəzanın mənzərəsi türk ekspertlərinin işi və uçuş məlumatlarını qeyd edən cihazın məzmununun təhlilindən sonra daha aydın olacaq”.

Fortunamag.az