Quba şəhərində “I Am Jazzman” caz düşərgəsi keçirilib

Sentyabrın 7-dən 12-dək Gənclər və İdman Nazirliyinin dəstəyi, Bakı Caz Festivalının təşkilatçılığı ilə Quba şəhərində növbəti “I Am Jazzman” caz düşərgəsi reallaşdırılıb. Fortunamag.az  xəbər verir ki, Bu layihə məktəblilər və tələbələr arasında gənc caz ifaçılarını bir araya gətirən sayca dördüncü düşərgədir. İlk üç düşərgə isə Qax, Qazax və Lənkəranda gerçəkləşdirilmişdi.

Proqrama idman məşqləri, seminarlar, ustad dərsləri, intellektual və idman oyunları, həmçinin caz dərsləri daxil edilmişdi. Düşərgənin müəllimləri sırasında Azərbaycan estrada musiqisinin tanınmış siması Qasım Xəlilov, vokal üzrə Diana Hacıyeva, instrumental ifaçılar üçün isə Nurlan Hüseynzadə və Əli Nasib yer almışdı.

İştirakçılar xüsusi konsert proqramı hazırlamış və ənənəyə uyğun olaraq bu proqram Quba şəhər sakinlərinin ixtiyarına təqdim olunmuşdu. Konsertdə 16 əsər ifa edilmiş, bütün iştirakçı musiqiçilər səhnəyə çıxmışdılar.

Fortunamag.az