“Qərbi azərbaycanlı irsinə səyahət” adlı tədbir keçirilib

Goranboy Rayon İcra Hakimiyyəti, Qərbi Azərbaycan İcması və Gəncə-Daşkəsən Regional Mədəniyyət İdarəsinin Goranboy nümayəndəliyinin birgə təşkilatçılığı ilə “Qərbi azərbaycanlı irsinə səyahət” adlı tədbir təşkil edilib.

Fortunamag.az “AZƏRTAC”a istinadən xəbər verir ki, Goranboy rayon Heydər Əliyev Parkında keçirilən tədbirdə rayon icra hakimiyyətinin başçısı Məhərrəm Quliyev, rayonun idarə və təşkilat rəhbərləri, inzibati ərazi dairələri üzrə nümayəndələr, yerli bələdiyyələr, ictimai fəallar, ağsaqqallar, rayon ərazisində yaşayan bir qrup Qərbi azərbaycanlı və mədəniyyət işçiləri iştirak ediblər.

Tədbirdə Qərbi azərbaycanlıların adət və ənənələrini, o cümlədən kitab, xalça, mətbəx və rəqslərini əks etdirən stendlərdən ibarət sərgilərə baxış keçirilib, idmançıların təqdimatında idman nümunələri nümayiş etdirilib.

Fortunamag.az