“Qələbənin Rəngləri” adlı sərginin açılıışı baş tutub

Azərbaycan Milli İncəsənət Muzeyində Rəssamlar İttifaqının üzvlərinin iştirakı ilə “Qələbənin Rəngləri” adlı sərgi açılıb. Tədbir Vətən müharibəsində qazanılmış şanlı Qələbənin 5 illiyinə həsr olunub.

Fortunamag.az xəbər verir ki, sərginin açılışını sənətşünaslıq üzrə fəlsəfə doktoru, dosent, muzeyin direktoru Şirin Məlikova edib.

Tədbirdə “İçərişəhər” Dövlət Tarix-Memarlıq Qoruğu İdarə Heyətinin sədri Rüfət Mahmud, tanınmış rəssamlar, mədəniyyət və incəsənət xadimləri, eləcə də ictimaiyyət nümayəndələri iştirak ediblər.

Ekspozisiyada Azərbaycan xalqının qəhrəmanlıq ruhunu, Vətənə məhəbbətini və sülh arzusunu əks etdirən əsərlər nümayiş olunur.