“Poliqon” gənclərin hərbi-vətənpərvərlik düşərgəsi keçirilib. 

Sentyabrın 18-dən 21-dək Gənclər və İdman Nazirliyinin dəstəyi, “İRƏLİ” İB-in təşkilatçılığı ilə Qusar Olimpiya İdman Kompleksində Qarabağ Zəfərinin 5-ci ilinə həsr olunmuş 21-ci “Poliqon” gənclərin hərbi-vətənpərvərlik düşərgəsi keçirilib. Fortunamag.az  Gənclər və İdman Nazirliyinə istinadən xəbər verir ki, 120 nəfərin iştirakı ilə baş tutan düşərgədə 4 gün ərzində gənclər proqram çərçivəsində, “Canavarlar”, “Aslanlar”, “Zəfər”, “Mübarizlər”, “İgidlər” və “Qartallar” komandalarına bölünərək müxtəlif təlimlərə, idman yarışlarına, qrup çalışmalarına cəlb olunublar.