Mobarak AlFadhel: Mən Bakıya aşiq oldum-ÖZƏL

“Bakı Yaradıcılıq Həftəsinə dəvət aldığımız üçün son dərəcə məmnunuq. Oriental Fashion Show həftəyə möhtəşəm bir rəng qatdı. Bu, bizim üçün doğrudan da heyrətamiz an idi və əsas şounu böyük səbirsizliklə gözləyirik”.

Bəhreynin tanınmış brendlərindən Naseem Alandalosun direktoru Mobarak AlFadhel İƏT Mədəniyyət Festivalı — “Baku Creative Week 2025” çərçivəsində keçirilən “Oriental Fashion Showda Fortunamag.az-a verdiyi özəl açıqlamada belə deyib.

O, Bakıya ilk səfəri ilə bağlı təəssüratlarını bölüşüb. Mobarak AlFadhel növbəti illərdə də Bakıda iştirak etməyi planlaşdırdığını vurğulayaraq əlavə edib:

“Mən Bakıya aşiq oldum, həm də necə aşiq! Təəssüf ki, burada cəmi bir neçə gün qala bilirəm, amma mütləq turist kimi geri qayıdacağam”.

Fortunamag.az