İsmət Səttarov: “Media sahəsində Azərbaycanla Özbəkistan arasındakı əməkdaşlıq güclü əlaqələrin vacib bir hissəsidir”

Azərbaycan Respublikası Audiovizual Şurasının sədri İsmət Səttarov II Azərbaycan-Özbəkistan Media Forumunun “Rəqəmsal transformasiya və media” mövzusunda keçirilən açılış mərasimində çıxış edib.

“Audiovizual Şura olaraq biz inanırıq ki, Azərbaycan və Özbəkistan media qurumları arasında qurulan sıx əməkdaşlıq informasiya mühitimizin sağlam, obyektiv və peşəkar inkişafına mühüm töhfə verəcək. Xüsusən bugünkü dövrdə – rəqəmsal transformasiya, informasiya təhlükəsizliyi və media dayanıqlılığı məsələlərinin ön plana çıxdığı bir vaxtda, ölkələrimizin bu sahədə birgə fəaliyyət göstərməsi olduqca əhəmiyyətlidir.

Birgə layihələr, informasiya mübadiləsi, yeni texnoloji trendlərin tətbiqi və peşəkar jurnalistlərimizin təcrübə mübadiləsi qarşılıqlı inkişafımıza xidmət edəcək”, – deyə İsmət Səttarov əlavə edib.