“Gənclik – Gənc liderlərin inkişafı və karyerası” düşərgəsi yekunlaşıb

Sentyabrın 8-dən 12-dək Göygöl Olimpiya İdman Kompleksində təşkil olunmuş “GəncLİK – Gənc Liderlərin İnkişafı və Karyerası” düşərgəsinə yekun vurulub.

Gənclər və İdman Nazirliyinin dəstəyi, “ASAN Könüllüləri” Təşkilatının təşkilatçılığı və Göygöl Rayon İcra Hakimiyyətinin tərəfdaşlığı ilə həyata keçirilən düşərgədə 15–26 yaş arası fəal gənclər iştirak ediblər.

5 günlük proqram müddətində iştirakçılar liderlik, şəxsi inkişaf, layihə idarəçiliyi, sosial media, marketinq və sağlam həyat tərzi mövzularında peşəkar təlimlərə qatılıblar. Bundan əlavə, keçirilən sosial fəaliyyətlər, komandalararası yarışlar və interaktiv məşğələlər sayəsində iştirakçılar həm biliklərini artırıblar, həm də əyləncəli vaxt keçiriblər.

Düşərgənin sonunda bütün iştirakçılar sertifikatlarla təltif olunublar.

Fortunamag.az