Fərid Qayıbov Çexiyada

Avropa Gimnastika Konqresi ərəfəsində gənclər və idman naziri Fərid Qayıbov Çexiyanın Milli İdman Agentliyinin sədri Ondrej Şebek ilə ikitərəfli görüş keçirib.

Nazirliyin mətbuat xidmətindən Fortunamag.az-a verilən məlumata görə, görüş zamanı hər iki ölkədə həyata keçirilən irimiqyaslı idman layihələri, qarşılıqlı təlim-məşq toplanışlarının təşkili və idman sahəsində əməkdaşlığın genişləndirilməsi məsələləri müzakirə olunub. Həmçinin antidopinq sahəsində birgə fəaliyyət imkanları nəzərdən keçirilib.

Görüş zamanı həm də Bakı-2026 “Dünyanın İdman Paytaxtı” çərçivəsində paytaxtımızda keçiriləcək tədbirlərdə Çexiya nümayəndələrinin iştirakı barədə də fikir mübadiləsi aparılıb.

Fortunamag.az