“Elaine Redding Brinster” mükafatı təqdim olunub

Pensilvaniya Universitetinin Rejenerativ Tibb İnstitutu, Dallasdakı UT Southwestern Tibb Mərkəzinin biokimyaçı alimi Zhijian “James” Çeni DNT-ni tanıyan siklik GMP-AMP sintaz (cGAS) fermentini və onun immun və iltihabi reaksiyadakı rolunu kəşf etdiyinə görə “Elaine Redding Brinster” Elm və  Tibb üzrə Mükafatı ilə təltif edib. Fortunamag.az “Penn Medicine”a istinadən xəbər verir ki, Çenin 2012-ci ildə cGAS fermentini kəşfi immun sistemimizin bakteriya və virus kimi zərərli DNT-ləri necə tanıdığını və onlarla mübarizə aparmağa başladığını izah edərək elmə yeni istiqamət açdı. O, sübut etdi ki, cGAS yad DNT-yə bağlanaraq cGAMP siqnalını yaradır və bu siqnal bədənin immun kimyəvi maddələr istehsal edərək infeksiyalara və şiş hüceyrələrinə hücum etməsini təmin edir. Lakin bu mexanizm pozulduqda lupus, artrit və ya Altsheymer kimi xəstəliklərə səbəb ola bilər, çünki bədənin öz DNT-si səhv yerlərə düşə bilir. Çenin kəşfi belə xəstəliklərin, eləcə də xərçəngin müalicəsi üçün yeni imkanlar yaradır.

Fortunamag.az