“Düşərgə liderləri” təlimi

Sentyabrın 4-dən 9-dək Quba İstirahət, İdman, Təlim və Tədris Kompleksində Azərbaycan və Türkiyə Gənclər və İdman Nazirliklərinin təşkilatçılığı ilə “Düşərgə liderləri” adlı təlim düşərgəsi keçirilib. Düşərgədə ölkənin müxtəlif regionlarını təmsil edən 80 gənc iştirak edib.

Təlimlər Türkiyədən dəvət olunmuş peşəkar mütəxəssislər tərəfindən aparılıb. Düşərgənin açılışında gənclər və idman nazirinin müavini İndira Hacıyeva gənclərlə görüşərək tədbirin əhəmiyyətini vurğulayıb.

Proqram çərçivəsində iştirakçılara liderlik və şəxsi inkişaf, mədəni və idman fəaliyyətləri, eləcə də bilik və təcrübə mübadiləsinə imkan verən məşğələlər təqdim olunub.

Təlim proqramının ikinci hissəsi 19-26 sentyabr tarixlərində Türkiyədə keçiriləcək.

Fortunamag.az