Dövlət qurumlarının əməkdaşları arasında atletika müsabiqəsi keçirilib

Konstitusiya və Suverenlik İli” çərçivəsində sentyabrın 11-də Gənclər və İdman Nazirliyi ilə Azərbaycan Atletika Federasiyasının birgə təşkili ilə Bakı Atletika Mərkəzində dövlət qurumlarının əməkdaşları arasında atletika müsabiqəsi keçirilib. Yarışda 11 dövlət qurumunu təmsil edən 42 iştirakçı (32 kişi, 10 qadın) mübarizə aparıb.

Qadınlar arasında uzunluğa tullanma üzrə Zəkiyyə Kərimli və Əfsanə Mehdiyeva (hər ikisi Fövqəladə Hallar Nazirliyi), eləcə də Esmira Nəsrəddinova (SOCAR) mükafatçılar sırasında yer alıblar. Kişilər arasında isə birinci yeri Yevgeniy Kasilov (FHN) tutub. İkinci yeri Vüsal Rəsulzadə (“AzerGold” QSC), üçüncü yeri isə Rüstəm Rüstəmov (SOCAR) qazanıb.

60 metr məsafəyə qaçışda qadınlarda birinci yerə Zəkiyyə Kərimli, ikinci yerə Mələkxanım Məmmədova, üçüncü yerə isə Leyla Əliyeva (hər üçü FHN) layiq görülüblər. Kişilər arasında fərqlənənlər İlkin Əlizadə, Yevgeniy Kasilov (hər ikisi FHN) və Akif Əzizov (“AzerGold” QSC) olublar.

400 metr məsafəyə qaçışda qadınlarda Mələkxanım Məmmədova birinci, Leyla Əliyeva ikinci, Pəri Rəhimova (hər üçü FHN) isə üçüncü yeri tutublar. 800 metr qaçışda kişilər arasında bütün pillələr FHN əməkdaşlarının payına düşüb: Əli Hacıyev qızıl, Cəlal Süleymanov gümüş, İlqar Məmmədov isə bürünc medal qazanıblar.

Fortunamag.az