Cüdo məşqçiləri üçün peşəkar inkişaf proqramına start verilib

Azərbaycan Cüdo Federasiyası (ACF) Sumqayıt və Abşeron-Xızı regionundan olan cüdo məşqçiləri üçün peşəkar inkişaf proqramının icrasına start verib. Fortunamag.az  Azərbaycan Cüdo Federasiyasına istinadən xəbər verir ki, peşəkar inkişaf proqramı çərçivəsində ACF-in hakimlər üzrə meneceri, “A” kateqoriyalı beynəlxalq dərəcəli hakim Mətin Rəhimli tərəfindən Beynəlxalq Cüdo Federasiyasının yeni tətbiq etdiyi qaydalarla bağlı təlim keçirilib. Qarşılıqlı diskussiya formatında keçən seminarda məşqçilərin sualları ətraflı cavablandırılıb. Eyni zamanda iştirakçılar öz təcrübələrini bölüşərək mövzu ilə bağlı praktiki nümunələr üzərində fikir mübadiləsi aparıblar.

Qeyd edək ki, proqram daha əvvəl Goranboy, Şəki və Qusarda həyata keçirilmişdi.

Fortunamag.az