Cokoviç , Fritz üzərində yenilməzliyini qorudu

Novak Cokoviç çərşənbə axşamı “US Open”in dörddəbir finalında Taylor Fritz-i 6-3, 7-5, 3-6, 6-4 hesabı ilə məğlub etdi. Fortunamag.az “Atp tour”a istinadən xəbər verir ki, Serbiyalı ulduz vacib məqamlarda səbrli oyun sərgilədi, amerikalı tennisçinin qaçırdığı fürsətlərdən yararlandı və rekordunu 25-ci “slam” tituluna doğru davam etdirdi.

38 yaşlı Cokoviç, Nyu-Yorkda artıq dörd dəfə çempion olub və ötən ilin finalçısını məğlub edərək Fritzlə şəxsi hesabında üstünlüyünü 11-0-a çatdırdı. Fritz 13 breyk fürsətindən yalnız 2-sini dəyərləndirə bildi, ilk 9 imkanını isə əldən verdi.

“Çox gərgin oyun idi,” — Cokoviç matçdan sonra dedi. — “Həqiqətən də hər şey ola bilərdi. İkinci setdə bir neçə vacib breyk xalını xilas etdiyim üçün şanslı olduğumu düşünürəm. İkinci və üçüncü setin böyük hissəsində o məndən daha yaxşı oynadı. Bu cür oyunlarda qalibi bir neçə xal müəyyən edir.”

Turnirin əvvəlində zəif çıxış edən və həkim müdaxiləsinə ehtiyac duyan Cokoviç tədricən formasını bərpa edib. O, yarımfinalda əsas rəqibi Karlos Alkarazla üz-üzə gələcək. Serbiyalı oyunçu onların şəxsi qarşılaşmalarında 5-3 öndədir və son iki görüşdə qalib gəlib. Cümə günü baş tutacaq görüş “Flushing Meadovs”da onların ilk dueli olacaq.

Fortunamag.az