Beynəlxalq seminarda Azərbaycanın milli insan hüquqları təsisatının fəaliyyəti barədə məlumat verilib

Azərbaycan Respublikasının İnsan hüquqları üzrə müvəkkili (ombudsman) Səbinə Əliyeva Çin Xalq Respublikasının Nankin şəhərində keçirilən “İnsanların rifahı naminə effektiv ombudsman fəaliyyəti” mövzusunda beynəlxalq seminarda iştirak edib.

Fortunamag.az  “AZERTAC”a istinadən xəbər verir ki, seminarda çıxış edən ombudsman Səbinə Əliyeva Azərbaycan ilə Çin arasında strateji əlaqələrin və əməkdaşlığın inkişaf etdiyini vurğulayıb. O, həmçinin insan hüquqları və azadlıqlarının qorunması sahəsində əlaqələrin daha da möhkəmləndirilməsi üçün geniş perspektivlərin mövcud olduğunu qeyd edib.

Səbinə Əliyeva Azərbaycanın milli insan hüquqları təsisatının fəaliyyəti haqqında məlumat verərək, vətəndaşların müraciətlərini rahat və maneəsiz təqdim edə bilmələri üçün yaradılmış mexanizmlər, hüquqi maarifləndirmə təşəbbüsləri və həssas qrup vətəndaşların hüquqlarının qorunması istiqamətində həyata keçirilən tədbirlər barədə ətraflı açıqlamalar verib.

Onun təqdimatı beynəlxalq seminarda iştirak edən nümayəndələr tərəfindən böyük maraqla qarşılanıb və yüksək qiymətləndirilib.

Fortunamag.az