Buxarestdə “tapılmış” Maleviç rəsm əsərlər

Avanqard rəssam Kazimir Maleviçə aid olduğu iddia edilən, əvvəllər bilinməyən üç yağlı boya əsəri Buxarestdə Müasir İncəsənət Milli Muzeyində nümayiş etdirilir. Fortunamag.az ” BBCNEWS “a istinadən xəbər verir ki, əgər əsərlərin əsl Maleviç əsərləri olduğu təsdiqlənsəydi, onların dəyəri 100 milyon funt sterlinqdən çox ola bilərdi. Lakin incəsənət dünyası əsərlərin mənşəyi barədə şübhələrini saxlayır.Ukraynada doğulmuş Kazimir Maleviç XX əsrin ən nüfuzlu sənətkarlarından hesab olunur. Onun əsərləri incəsənət bazarında digər ukrayna və ya rus rəssamlarının əsərlərindən daha yüksək qiymətə satılır. Məsələn, 2018-ci ildə Maleviçin bir əsəri rekord 85 milyon dollara (təxminən 63 milyon funt) satılmışdı.

2023-cü ildə isə ev köçməsi zamanı  təqaüdçü Eva Levandonun döşəyinin altında üç naməlum Maleviç rəsmi aşkarlanıb. Bu barədə Buxarestdə yaşayan  iş adamının və əsərlərin sahibi Yaniv Kohen məlumat verib. Təqaüdçü cənab Kohenin həyat yoldaşının nənəsi olan Levandon, əsərləri ona vermişdi.

Tapılan rəsmlər aşağıdakılardır:

1.“Yaşıl və Qara Dördbucaqla Suprematist Kompozisiya” (1918)

2.“Kubfuturist Kompozisiya” (1912–1913)

3.“Suprematist Kompozisiya” (“Qırmızı Meydan” və “Yaşıl Üçbucaq”, 1915–1916)

Əsərlər avqustun sonuna qədər Buxarestdə sərgilənir. Buna baxmayaraq, incəsənət dünyası əsərlərin əsliliyinə şübhə ilə yanaşır. Ukrayna əsilli amerikalı alim Konstantin Akinşa  bildirib ki, əsərlərin tarixini sübut edən sənədlər tam deyil və Maleviçin studiyasına aid müşahidə qeydləri mövcud deyil.