Bakıda II Milli Rəqabət Forumu keçirilib
Azərbaycan Respublikasının Prezidenti yanında Antiinhisar və İstehlak Bazarına Nəzarət Dövlət Agentliyinin təşkilatçılığı ilə II Milli Rəqabət Forumu keçirilib.
Fortunamag.az Azərbaycan Respublikasının Prezidenti yanında Antiinhisar və İstehlak Bazarına Nəzarət Dövlət Agentliyinin rəsmi səhifəsinə istinadən xəbər verir ki, forum müasir iqtisadi şəraitdə rəqabət siyasətinin təhlili, təbii ihnisarların fəaliyyətinin tənzimlənməsi, bu sahədə mövcud çağırışlar və ictimai maraqların qorunması, eləcə də effektiv və ədalətli bazar münasibətlərinin formalaşdırılması istiqamətində fikir mübadiləsinin aparılması məqsədilə təşkil olunub.
Azərbaycan Respublikasının İqtisadiyyat naziri Mikayıl Cabbarov sosial şəbəkələrdə paylaşım edib:
“Həmkarlarla birlikdə II Milli Rəqabət Forumunda iqtisadi şaxələnmənin uğurla həyata keçirilməsi və özəl sektorun inkişafında azad və sağlam rəqabət mühitinin mühüm rolunu vurğuladıq. Ölkəmizdə formalaşan əlverişli biznes mühiti, iqtisadiyyatın şəffaflaşdırılması, inklüzivliyin təşviqi, innovasiyaların stimullaşdırılması və insan resurslarının inkişafı istiqamətində görülən işləri qeyd etdik. İnanırıq ki, Forum çərçivəsində həyata keçirilən müzakirələr ölkəmizdə rəqabət mühiti və sahibkarlığın inkişafı baxımından faydalı olacaq.”
Fortunamag.az
