Bakıda 2025 Beynəlxalq İncəsənət Festivalı keçiriləcək

Heydər Əliyev Fondu və Azərbaycan Respublikasının Mədəniyyət Nazirliyinin dəstəyi ilə bu payız Bakıda “Baku International Arts Festival” (BIAF) baş tutacaq.

2025-ci il 31 oktyabrdan 16 noyabra qədər paytaxt Bakı dünya səviyyəli müasir rəqs, teatr və klassik incəsənət nümunələrinin nümayiş olunduğu beynəlxalq incəsənət səhnəsinə çevriləcək.

Üç həftəsonunu əhatə edən festival çərçivəsində tamaşaçılar Azərbaycan, Avstriya, Böyük Britaniya, Almaniya, İsrail, İspaniya, Kanada, Çin, ABŞ, Fransa və Özbəkistandan olan 100-dən artıq sənətçinin qatıldığı 10-dan çox özünəməxsus tədbiri izləyə biləcəklər.

Bakının aparıcı səhnələrində — Robert Lepage, Şeron Eyal, Yan Lipinq, Guillaume Coté, Rimas Tuminas, Gesher Teatrı, Daniele Finzi Pascha və digər tanınmış rejissor, xoreoqraf və teatr kollektivlərinin təqdimatında möhtəşəm tamaşalar nümayiş olunacaq.

Festivalın əsas keçiriləcəyi məkanlar Müslüm Maqomayev adına Dövlət Filarmoniyası, Azərbaycan Milli Dram Teatrı və Azərbaycan Dövlət Musiqili Teatrıdır.

Proqramla tanış olmaq və biletləri əldə etmək üçün rəsmi sayt: www.biaf.az

Fortunamag.az