Azərbaycan nümayəndə heyəti Malta konfransında iştirak edib

Fortunamag.az Azərbaycan Respublikasının Gənclər və İdman Nazirliyinə istinadən xəbər verir ki, Oktyabrın 9-da Maltanın paytaxtı Vallettada keçirilən Gənclər üzrə məsul nazirlərin Avropa Şurasının 10-cu Konfransında ölkəmizi gənclər və idman nazirinin müavini İndira Hacıyevanın rəhbərlik etdiyi nümayəndə heyəti təmsil edib. Konfrans çərçivəsində yekun sənədin müzakirəsi məqsədilə yüksək səviyyəli rəsmilərin iclası baş tutub. Tədbirdə 44 ölkədən nazir və nazir müavini səviyyəsində nümayəndə heyətləri iştirak edib.

Konfransın yekununda “Gənclərin Perspektivinə dair Avropa Şurasının İstinad Çərçivəsi” sənədi qəbul olunub.

Fortunamag.az