“Azərbaycan mədəniyyəti – 2040” Konsepsiyası çərçivəsində bir sıra Dövlət proqramları hazırlanacaq

“Azərbaycan mədəniyyəti – 2040” Azərbaycan Respublikasının Mədəniyyət Konsepsiyası çərçivəsində bir sıra Dövlət proqramlarının layihələrinin hazırlanması nəzərdə tutulur.

Fortunamag.az “AZƏRTAC”a istinadən xəbər verir ki, Konsepsiya əsasən Azərbaycan dilinin və ədəbiyyatının inkişafı, Azərbaycanın mədəni və təbii irsinin qorunması, incəsənətin, audiovizual sənayenin, davranış mədəniyyətinin və bilgi mədəniyyətinin, mədəni və yaradıcı sənayenin inkişafı ilə bağlı Dövlət proqramları hazırlanacaq

Bundan əlavə, Konsepsiyanın əsas hədəflərindən biri də Azərbaycanın öz tarixi coğrafiyasına mədəni qayıdışını, Azərbaycan xalqının məhv edilən və dağıdılan tarixi-mədəni irsinin bərpasını təmin etmək, birləşdirici amil kimi Azərbaycan dilinin regional rolunun bərpasına nail olmaqdır. Təşkilatlanmış mədəni iştirakçılıq Azərbaycan Respublikasının regional maraqlarının səmərəli şəkildə təmin edilməsində və qonşu ölkələrlə dostluq münasibətlərinin gücləndirilməsində mühüm rol oynayacaq.

Fortunamag.az