“Avro-2028”in açılış oyunu Kardiffdə keçiriləcək

“Avro-2028”in açılış oyunu Uelsin paytaxtı Kardiffdə baş tutacaq.

Fortunamag.az “AZƏRTAC”a istinadən xəbər verir ki, turnirin yarımfinal və final qarşılaşmaları isə Londondakı Uembli stadionunda keçiriləcək. Ümumilikdə İngiltərə, Şotlandiya, Uels və İrlandiya Respublikasının ev sahibliyi edəcəyi çempionatda 24 komanda mübarizə aparacaq.

Əvvəlcə Şimali İrlandiyanın paytaxtı Belfastda yerləşən “Casement Park” stadionunda da oyunların keçirilməsi planlaşdırılsa da, maliyyə çatışmazlığı səbəbindən bu arena siyahıdan çıxarılıb.

UEFA-nın rəsmi qərarı ilə “Avro-2028”in açılış oyununa ev sahibliyinin Kardiffə həvalə edildiyi təsdiqlənib. Əvvəlki Avropa çempionatlarından fərqli olaraq, 2028 turnirinin ev sahibləri İngiltərə, Şotlandiya, Uels və İrlandiya Respublikası yarışda iştirak etmək üçün seçmə mərhələdən keçməli olacaqlar.

Fortunamag.az