Antarktikadakı “Qanlı şəlalə”nin sirri açıldı

Antarktikanın məşhur “Qanlı şəlaləsi” onilliklərdir alimlərin maraq dairəsində idi.  Fortunamag.az ” Sciencealert “a istinadən xəbər verir ki, şəlalədən axan suyun parlaq qırmızı rəngi insanlar tərəfindən sirli bir təbiət hadisəsi kimi qəbul edilirdi. Yeni araşdırmalar göstərib ki, bu rəng dəmirin oksidləşməsi nəticəsində yaranır. Yerin dərinliklərindən gələn su yüksək miqdarda dəmir mineralları ilə zəngindir. Su havayla təmasda olduqda dəmir oksidləşir və qırmızı rəng alır. Bu, eyni zamanda paslanma prosesinə bənzəyir. Elm adamları bildirirlər ki, bu kəşf yalnız Antarktika üçün yox, həm də digər planetlərin öyrənilməsi üçün əhəmiyyətlidir. Çünki Marsda da suyun tərkibində dəmir  olduğu ehtimal edilir. Bu isə Marsda həyat üçün əlverişli şəraitin olub-olmadığını anlamaqda mühüm rol oynaya bilər. “Qanlı şəlalə”nin sirrinin açılması elm dünyasında uzun illər davam edən mübahisələrə son qoydu. İndi isə alimlər həmin suyun mikroorqanizmlərlə zəngin olub-olmadığını araşdırmaq niyyətindədirlər.

Fortunamag.az