Ankarada hərbçilərlə vida mərasimi keçirilib

Noyabrın 14-də Ankaradakı “Mürted” hərbi aerodromunda Gürcüstanda C-130 hərbi-nəqliyyat təyyarəsinin qəzaya uğraması nəticəsində şəhid olan 20 hərbçi ilə rəsmi vida mərasimi keçirilib.

Fortunamag.az “AZƏRTAC”a istinadən xəbər verir ki, xəbər verir ki, mərasimdə Türkiyə Böyük Millət Məclisinin sədri Numan Kurtulmuş, milli müdafiə naziri Yaşar Güler, Azərbaycan Silahlı Qüvvələrinin nümayəndələri, ölkəmizin Ankaradakı səfiri Rəşad Məmmədov, şəhidlərin qohumları və yaxınları, paytaxt sakinləri iştirak ediblər.

Şəhidlərin nəşləri ötən axşam Türkiyə Hərbi Hava Qüvvələrinə məxsus A400M hərbi-nəqliyyat təyyarəsi ilə Tbilisidən Ankaraya aparılıb və orada məhkəmə-tibbi ekspertizası keçirilib.

Şəhidlərdən üçünün dəfn mərasimi Ankarada keçirilib, qalanları İstanbul, Bursa, Kayseri, Eskişehir, Karabük, Nide, Amasya, Tekirdağ, Muğla, Samsun, Konya, Bilecik, Çorum, Kırklareli və Balıkesir vilayətlərində dəfn olunacaq.

Fortunamag.az