Alimlər günəş işığını yanacağa çevirməyin yeni yolunu tapdılar

İsveçrənin Bazel Universitetindən olan tədqiqat qrupu bitkilərin fotosintez prosesindən ilhamlanaraq yeni bir molekul hazırlayıb. Fortunamag.az ” Scitech daily”a istinadən xəbər verir ki, bu molekul işığın təsiri altında eyni anda iki müsbət və iki mənfi yükü saxlaya bilir. Məqsəd günəş işığını karbon neytral yanacaqlara çevirməkdir.

Bitkilər günəş işığının enerjisindən istifadə edərək CO₂-ni enerji ilə zəngin şəkər molekullarına çevirirlər. Bu proses fotosintez adlanır və demək olar ki, bütün həyatın əsasını təşkil edir: heyvanlar və insanlar bu yolla yaranan karbohidratları yenidən “yandıraraq” onların daxilindəki enerjidən faydalana bilirlər. Bu zaman bir daha karbon qazı (CO₂) yaranır və dövr tamamlanır.

Bu model həmçinin ekoloji cəhətdən təmiz yanacaqlar üçün açar rolunu oynaya bilər. Alimlər təbii fotosintezi təqlid edərək günəş işığından yüksək enerjili birləşmələr – hidrogen, metanol və süni benzin kimi “günəş yanacaqları” istehsal etməyə çalışırlar. Belə yanacaqlar yandırıldıqda yalnız onların hazırlanması üçün lazım olan qədər karbon qazı əmələ gətirəcək. Başqa sözlə, bu yanacaqlar karbon neytral olacaq.

Fortunamag.az