“Plastikyeyən” tırtıllar

Alimlər, “waxworm” (Galleria mellonella) tırtıllarının polietilen plastik torbanı yalnız 24 saat ərzində dağıtdığını kəşf ediblər . Bu, plastik tullantıları təbii yollarla zərərsizləşdirmək üçün inqilabi bir yanaşmadır .
Fortunamag.az “Science Daily“a istinadən xəbər verir ki, bu tırtıllar plastik tullantını bədən yağlarına çevirirlər, amma yalnız plastiklə qidalandıqda tez zəifləyir və ölürlər.
Araşdırma, onların mikrobiomu və bioloji mexanizmlərini anlamaya yönəlib , həmçinin laboratoriyada plastik parçalanmasının reproduksiyasına da ümid var.
Tədqiqatçılar gələcəkdə ya tırtılları əlavə qidalarla (məsələn şəkərlə) qoruyucu şəraitdə saxlayaraq, böyük miqyasda plastik biodeqradasiyası üçün istifadə etmək, ya da parçalanma prosesini canlı olmadan laboratoriyada təkrarlamaq üzərində işləyirlər.

Fortunamag.az