26 Avqust —Azərbaycan Respublikasının Birinci Xanımı Mehriban Xanım Əliyevanın Ad Günüdür

Bu gün Azərbaycan Respublikasının Birinci vitse-prezidenti, ölkəmizin Birinci xanımı, Heydər Əliyev Fondunun, Azərbaycan Mədəniyyət Fondunun və Azərbaycan Gimnastika Federasiyasının prezidenti, UNESCO və ISESCO-nun xoşməramlı səfiri, görkəmli dövlət, ictimai və siyasi xadim Mehriban xanım Əliyevanın ad günüdür.

Mehriban xanım Əliyeva dövlətçilik ənənələrinin qorunması, milli-mənəvi dəyərlərin yaşadılması və zəngin mədəni irsimizin gələcək nəsillərə ötürülməsi istiqamətində müstəsna xidmətlər göstərmişdir. Onun rəhbərlik etdiyi Heydər Əliyev Fondu həyata keçirdiyi genişmiqyaslı layihələrlə ölkəmizin inkişafına dəyərli töhfələr vermiş, Azərbaycanı beynəlxalq miqyasda mədəniyyət, təhsil və səhiyyə sahələrində parlaq uğurlarla tanıtmışdır.

Birinci xanımın humanizmə, mərhəmətə və xeyirxahlığa əsaslanan fəaliyyəti uşaq evləri, internat məktəbləri, xüsusi qayğıya ehtiyacı olan şəxslər və sosial həssas qruplara göstərilən dəstəkdə özünü bariz şəkildə göstərir. Onun hər zaman qayğıkeş münasibəti və diqqəti cəmiyyətimizdə humanizm dəyərlərinin daha da möhkəmlənməsinə xidmət edir.

Bu əlamətdar gündə Mehriban xanım Əliyevanı ürəkdən təbrik edir, ona möhkəm can sağlığı, uzun ömür, ailə səadəti və Azərbaycan naminə gördüyü işlərində yeni-yeni nailiyyətlər arzulayırıq!

Hörmətlə,

“Fortuna” jurnalının təsisçisi və baş redaktoru
Səidə Musayeva