Giorgio Armani necə zəngin oldu?

Giorgio Armani İtaliyanın və dünyanın ən məşhur modacılarından biri olaraq, sadəcə moda sahəsində deyil, həm də girişimcilik dünyasında iz qoymuşdur. Fortunamag.az bildirir ki, 11 iyul 1934-cü ildə Piacenza şəhərində doğulan Armani, ikinci dünya müharibəsinin çətinlikləri ilə böyüyüb. Uşaqlığı bombardmanlar və itkilərlə keçib, özü ağır yaralanaraq 40 gün xəstəxanada qalıb. Bu dövr onun həyat perspektivini formalaşdıran əsas mərhələlərdən biri olub.

Giorgio əvvəlcə tibb sahəsində təhsil almış, lakin təhsilini davam etdirməyərək 30 yaşlarında moda dünyasına yönəlib. 1970-ci illərin əvvəlində məşhur terzi Nino Cerruti yanında altı il çıraklıq etmiş və bu təcrübə onun yaradıcı təməlini qoyub. Ardınca Hitman adlı bir idman geyimi markasında çalışmış, daha sonra isə sərbəst dizayner kimi kişilər və qadınlar üçün geyim kolleksiyaları yaratmağa başlayıb.

1975-ci ildə 40 yaşında öz dizayn studiyasını açan Armani, ilk olaraq ortağı Sergio Galeotti və köməkçi Irene Pantene ilə çalışıb. 1976-cı ildə təqdim etdiyi qadın geyim kolleksiyaları və bir neçə il sonra filmlərdə və məşhurlar tərəfindən geyilən dizaynları ilə dünya miqyasında şöhrət qazanıb. 1980-ci ildə Richard Gere-in “American Gigolo” filmində geyindiyi Armani geyimləri, onun adını beynəlxalq səviyyədə tanıtdı.

Armani yalnız geyim deyil, həm də həyat tərzi və zəriflik simvoluna çevrilib. Onun dizaynları sadəcə moda deyil, həm də cəsarət, keyfiyyət və fərdilik ifadəsi olub. Armani həyatının sonuna qədər dizayn prosesində aktiv iştirak edib və hər kolleksiyada öz şəxsiyyətini əks etdirib.

Onun yaradıcılığı və dəqiq dizayn fəlsəfəsi, mükəmməllik axtarışı və hər zaman yenilikçi olma arzusu ilə dəstəklənib. Armani yalnız İtalyan modasının deyil, ümumdünya hazır geyim sənayesinin də simvoluna çevrilib.

Fortunamag.az