Azərbaycan beynəlxalq konvensiyaya qoşulmağa hazırlaşır

Azərbaycan Respublikası daha bir beynəlxalq hüquqi sənədə – “Beynəlxalq ticarətdə müəyyən təhlükəli kimyəvi maddələr və pestisidlər üzrə qabaqcadan əsaslandırılmış razılıq proseduru haqqında” Rotterdam Konvensiyasına qoşulmağa hazırlaşır. Bu barədə məsələ Milli Məclisin Aqrar siyasət komitəsinin sentyabrın 12-də keçirilən iclasında müzakirəyə çıxarılıb. Bu təşəbbüs Azərbaycanın milli qanunvericiliyinin beynəlxalq ekoloji və sanitar-epidemioloji standartlara uyğunlaşdırılmasına, kimyəvi təhlükəsizliyin gücləndirilməsinə və qlobal əməkdaşlıq imkanlarının genişlənməsinə mühüm töhfə verəcək.